Каранцінныя меры ў Азербайджане і ўезд замежных грамадзян

Эпідэміялагічная сітуацыя ў Азербайджанскай Рэспубліцы, выкліканая каронавіруснай інфекцыяй COVID-19, застаецца складанай. Актуальная статыстыка тут. 

Па прычыне фіксавання высокай дынамікі заражэння вірусам па рашэнні Аператыўнага штаба пры Кабінеце Міністраў Азербайджана ў рэспубліцы ў рамках асобага каранціннага рэжыму да 06.00  1 лістапада 2022 г. дзейнічаюць наступныя абмежаванні: 

♦закрыты межы з суседнімі краінамі; 
♦забаронены ўезд/выезд на тэрыторыю краіны па ўсіх транспартных шляхах (за выключэннем авіярэйсаў і грузавых перавозак);
♦ рэкамендаваны масачны рэжым у памяшканнях і транспарце. 

Акрамя таго, у Азербайджане ўводзяцца два варыянты COVID-пашпарта: «Сертыфікат аб вакцынацыі COVID-19» (выдаецца асобам, якія атрымалі абедзве дозы вакцыны ад каронавіруса) і «Сертыфікат імунітэту COVID-19» (выдаецца асобам, якія перахварэлі каронавірусам). Для атрымання гэтых дакументаў будзе выкарыстана сістэма электронных паслуг на сайце Дзяржаўнага агенцтва па абавязковаму медыцынскаму страхаванню, а таксама мабільнае прыкладанне E-Təbib. Дакладнасць COVID-пашпарта можна будзе праверыць адзначаным ў дакуменце QR-кодам.

З 15 лютага 2022 г. сертыфікаты аб вакцынацыі некаторых асоб лічацца несапраўднымі. З правіламі, устаноўленымі Міністэрствам аховы здароўя Азербайджанскай Рэспублікі, Дзяржаўным агенцтвам па абавязковым медыцынскім страхаванні і Аб'яднаннем па кіраванні медыцынскімі тэрытарыяльнымі падраздзяленнямі (TƏBİB), можна азнаёміцца тут.

Далейшыя рашэнні будуць прымацца ў залежнасці ад развіцця каранціннага становішча ў краіне і ў свеце. 

Грамадзяне Рэспублікі Беларусь, а таксама асобы, якія пастаянна пражываюць на тэрыторыі Беларусі, незалежна ад тыпу пашпарта, могуць уехаць на тэрыторыю Азербайджана толькі паветраным шляхам:

• паўналетнія пасажыры – пры наяўнасці COVID-пашпарта (афіцыйнага сертыфіката, які пацвярджае праходжанне поўнага курса вакцынацыі, афіцыйнага сертыфіката аб акрыянні ад COVID-19) або сертыфіката аб супрацьпаказанні да вакцынацыі супраць COVID-19. COVID-пашпарт, імунны сертыфікат або сертыфікат аб супрацьпаказанні да вакцынацыі супраць COVID-19 павінны мець атрыбуты электроннай верыфікацыі (QR-код). Гэтыя дакументы правяраюцца падчас праходжання рэгістрацыі ў аэрапорце ў Рэспубліцы Беларусь, а таксама пры праходжанні пагранічнага кантролю ў Азербайджанскай Рэспубліцы;
• Пасажыры, блізкі сваяк (адзін з бацькоў, сястра, брат, муж, жонка і дзіця, дзядуля, бабуля і ўнук) якога з'яўляецца грамадзянінам Азербайджанскай Рэспублікі, а таксама члены сям'і гэтых пасажыраў (муж, жонка, бацькі, дзеці) — на падставе дакумента, які пацвярджае ступень сваяцтва.

Пры прыбыцці ў Азербайджан з рознымі мэтамі рэкамендуем мець пры сабе медыцынскую страхоўку для пакрыцця лячэння ў выпадку захворвання каранавірусам на азербайджанскай тэрыторыі.

Авіякампанія «Белавія» ажыццяўляе рэгулярныя рэйсы па маршруце Мінск-Баку-Мінск, з раскладам якіх можна азнаёміцца на сайце авіякампаніі.

УВАГА!

У памяшканне консульскай службы Пасольства дапускаецца не больш за два чалавек адначасова па папярэднім запісе па тэлефонах: (+994 12) 489 56 75, 489 56 80.