Аб сустрэчы Пасла Беларусі Д.Піневіча з прадстаўнікамі Мілі Меджліса Азербайджанскай Рэспублікі і Азербайджанскага нацыянальнага форуму няўрадавых арганізацый

28 верасня па запрашэнні Пасла Беларусі Д.Піневіча Пасольства наведалі Дэпутат Мілі Меджліса, член Рабочай групы па міжпарламенцкіх сувязях Азербайджан — Беларусь Азер Алахверанаў і Кіраўнік Азербайджанскага нацыянальнага форуму няўрадавых арганізацый Раміль Іскэндэрлі. Адбыўся абмен думкамі па актуальных аспектах развіцця двухбаковых адносін дружалюбных краін. Бакі дасягнулі дамоўленасці аб прапрацоўцы канкрэтных напрамкаў узаемавыгаднага двухбаковага супрацоўніцтва ў гуманітарнай сферы з удзелам грамадскіх арганізацый.

Гасцям Пасольства прадстаўлены элементы гісторыі і сацыяльна-культурнай спадчыны Рэспублікі Беларусь.

Версія для друку