Гандлёва-эканамічныя адносіны
Ключавым вектарам развіцця беларуска-азербайджанскіх адносін з'яўляецца гандлёва-эканамічнае супрацоўніцтва.
Асноўныя прыярытэты эканамічнага партнёрства: супрацоўніцтва ў прамысловай кааперацыі, сельскай гаспадарцы, дрэваапрацоўцы, фармацэўтыцы, нафтахімічнай сферы, сумесныя праекты ў сферы навукі і тэхналогій, а таксама інвестыцыйнае супрацоўніцтва.
Забяспечваўся актыўны абмен візітамі на вышэйшым узроўні, на ўзроўні ўрадаў, кіраўнікоў міністэрстваў і ведамстваў, буйных кампаній, прадстаўнікоў дзелавых колаў Беларусі і Азербайджана. Актывізаваўся ўдзел у выставачна-кірмашовых мерапрыемствах дзвюх краін.
У маі 2017 г. у г. Мінску адбылася ўрачыстая цырымонія адкрыцця першага за мяжой Гандлёвага дома Азербайджана.
У сваю чаргу ў Азербайджане пашыраецца гандлёвая сетка магазінаў “BELARUSKI” па продажах айчынных харчовых тавараў, якія карыстаюцца вялікім попытам сярод мясцовага насельніцтва. Шостая крама гэтай сеткі адкрыта ў Баку ў студзені 2024 года. Беларускія прадукты сёння таксама прысутнічаюць ва ўсіх буйных гандлёвых сетках Азербайджана.
Пашыраецца супрацоўніцтва ў сферы прамысловай кааперацыі. Лідэрам вытворчай кааперацыі з'яўляецца ВА «Гянджынскі аўтамабільны завод», на якім з 2007 года па цяперашні час сабрана больш за 14 тыс. беларускіх трактароў, а таксама каля 4 тыс. адзінак тэхнікі ААТ «МАЗ», ААТ «Гомсельмаш», ААТ «Амкадор», ААТ «Белкамунмаш» і іншы.
У цяперашні час на ВА «Гянджынскі аўтамабільны завод» на ліцэнзійнай аснове праводзіцца зборка 16 мадэлей трактароў «Беларус».
Паспяхова функцыянуе механізм Міжурадавай Беларуска-Азербайджанскай камісіі па гандлёва-эканамічным супрацоўніцтве, 14-е пасяджэнне якой адбылося 6 чэрвеня 2024 г. у Мінску.
У рамках візіту азербайджанскай дэлегацыі ў Беларусь 7 чэрвеня 2024 г. прайшоў Беларуска-Азербайджанскі бізнес-форум.
