Аб удзеле Пасла Андрэя Раўкова ў мерапрыемствах Дзён культуры
04.04.2024 г.1 — 4 красавіка 2024 года адбыліся Дні культуры Беларусі ў Азербайджане.
Надзвычайны і Паўнамоцны Пасол Рэспублікі Беларусь у Азербайджанскай Рэспубліцы Андрэй Раўкоў прыняў удзел у перагаворах міністраў культуры дзвюх краін Анатоля Маркевіча і Адзіля Карымлі, адкрыцці выстаўкі «Беларусь вачыма мастакоў», а таксама ў цырымоніі ўрачыстага адкрыцця Дзён культуры ў Палацы Гейдара Аліева ў Баку.
Адбылася гутарка Пасла Беларусі з Намеснікам Прэм'ер-міністра Азербайджана Алі Ахмедавым, які наведаў гала-канцэрт з удзелам ансамбля «Песняры», Дзяржаўнага ансамбля танца Беларусі, зорак эстрады і оперы Вялікага тэатра. Гасцямі канцэрта таксама былі прадстаўнікі Парламента, МЗС, дыпламатычнага корпуса, дзелавых колаў.
Супрацоўнікі Пасольства прынялі ўдзел у адкрыцці Дзён беларускага кіно ў Кінацэнтры Нізамі, а таксама ў пасяджэнні Круглага стала прадстаўнікоў творчых саюзаў і арганізацый культуры Беларусі і Азербайджана ў Нацыянальнай бібліятэцы Азербайджана.
Азербайджанскія друкаваныя і электронныя СМІ шырока асвятлялі Дні культуры Беларусі. Удзячныя гледачы авацыямі сустракалі выступленні беларускіх артыстаў, цёпла прынялі беларускія фільмы, з вялікай цікавасцю знаёміліся з карцінамі беларускіх мастакоў, творамі майстроў народнай творчасці.
