Аб прыёме Пасольства Беларусі ў Азербайджане

Пасольствам Беларусі ў Азербайджане праведзены прыём з нагоды Дня Незалежнасці Рэспублікі Беларусь і 80-годдзя вызвалення Беларусі ад нямецка-фашысцкіх захопнікаў.

На мерапрыемстве прысутнічалі Намеснік Прэм'ер-міністра Азербайджана Алі Ахмедаў, кіраўнік парламенцкай групы сяброўства Зіяд Самедзадэ, Біскуп Бакінскі і Азербайджанскі Аляксій, прадстаўнікі МЗС, Міністэрства эканомікі, Міністэрства абароны, МУС, МНС, Міністэрства культуры, кіраўнікі дыпмісій, прадстаўнікі шэрагу іншых дзяржаўных органаў, грамадскіх арганізацый і СМІ.

Былі выкананы дзяржаўныя гімны дзвюх краін. Пасол Беларусі Андрэй Раўкоў і Алі Ахмедаў выступілі перад прысутнымі.

Госці азнаёміліся з фотавыставай і відэасюжэтамі, прысвечанымі тэме вызвалення Беларусі.

Пасол уручыў юбілейныя медалі «80 гадоў вызвалення Беларусі ад нямецка-фашысцкіх захопнікаў» прадстаўнікам ветэранскай арганізацыі і Таварыства дружбы «Азербайджан-Беларусь», а таксама сястры гвардыі лейтэнанта Джалала Заманава, узнагароджанага ордэнам Чырвонай зоркі і загінуўшага пры вызваленні Рагачоўскага раёна Гомельскай вобласці ў чэрвені 1944 года.

На прыёме гучалі беларускія песні, гасцям былі прапанаваны стравы беларускай нацыянальнай кухні.

Версія для друку