Аб ўручэнні Паслом Беларусі А.Раўковым даверчых грамат Прэзідэнту Азербайджана
16.02.2021 г.16 лютага 2021 г. адбылося ўручэнне Надзвычайным і Паўнамоцным Паслом Рэспублікі Беларусь у Азербайджанскай Рэспубліцы Андрэем Раўковым даверчых грамат Прэзідэнту Азербайджанскай Рэспублікі Ільхаму Аліеву.
Падчас гутаркі пасля цырымоніі ўручэння азербайджанскі лідэр адзначыў высокі ўзровень сяброўскіх адносінаў і ўзаемаразумення паміж Рэспублікай Беларусь і Азербайджанскай Рэспублікай, падкрэсліў існуючы значны патэнцыял супрацоўніцтва дзвюх краін.
Кіраўнік беларускай дыпмісіі звярнуў увагу на важнасць нарошчвання ўсебаковага ўзаемадзеяння, зрабіўшы ўпор на пашырэнні гандлёвых і кааперацыйных сувязяў. У гэтым кантэксце Пасол паведаміў аб зацікаўленасці Рэспублікі Беларусь ўдзельнічаць у праектах па аднаўленні інфраструктурных і іншых аб'ектаў на тэрыторыі Азербайджана, а таксама ў актывізацыі дыялогу на вышэйшым узроўні.
Суразмоўцы сышліся ў меркаванні, што перспектыўным з'яўляецца далейшае ўзаемадзеянне Беларусі і Азербайджана ў такіх галінах як прамысловасць, сельская гаспадарка, выхад з сумеснай прадукцыяй на рынкі трэціх краін.
Бакі таксама абмеркавалі іншыя актуальныя пытанні, якія ўяўляюць узаемную цікавасць.